Kvart år mottek SFE langt fleire søknader om sponsormidlar enn vi har høve til å imøtekome. Vi prøver å finne ein best mogleg balanse mellom ulike regionar og ulike føremål, og spesielt ser vi etter følgjande i prosjekta vi støttar:
- Føremålet skal vere inkluderande og engasjere så mange som mogleg i lokalsamfunnet eller regionen
- Vi støtter først og fremst føremål i lokalområda våre og primært i Sogn og Fjordane
- Søkjar skal ha ein ordna økonomi og eit tydeleg føremål med aktiviteten
- Samarbeidet med SFE skal synleggjerast så langt det fell seg naturleg
Vi støttar ikkje:
- Føremål som er i strid med våre grunnleggjande verdiar eller etiske retningslinjer
- Politiske organisasjonar eller aktivitetar
- Kommersielle organisasjonar eller aktivitetar
- Skuletur/russegrupper
- Renovering/oppgradering av bygningar
Som regel støttar vi heller ikkje enkeltpersonar/-utøvarar – berre der støtta går gjennom ein klubb/lag, og der ein i samråd med klubben/laget vél å knyte samarbeidet til éin eller fleire enkeltutøvarar.
Søknadsfristar:
- 15. april
- 15. august
- 15. november
Om vi endrar søknadsfristane gjer vi det i god tid, så vi oppmodar om å sjekke denne sida for endringar så snart du veit at du har eit formål du ønskjer støtte til.
